ექთანთა გაერთიანების და USAID - ის პარტნიორობის ფარგლებში საქართველოს ისტორიაში კიდევ ერთი წარმატებული პროექტი - ,, პროფესიულ განათლებაში კერძო სექტორის ჩართულობის სტიმულირება დარგობრივი უნარების ორგანიზაციის ჩამოყალიბების ხელშეწყობა’.

ექთანთა გაერთიანების მიერ განხორციელდა პროექტი, რომლის მიზანიც იყო დარგობრივი უნარების ორგანიზაციის ჩამოყალიბება, კერძო საჯარო პარტნიორობის ფორმატში. პროექტი ემსახურება ადამიანური კაპიტალის განვითარებას ჯანდაცვისა და პერსონალური მომსახურებების მიმართულებით.

დარგობრივი უნარების ორგანიზაციაში გაერთიანებულია 12 დარგობრივი ორგანიზაცია: ჯანდაცვის მიმართულებით 9 (ცხრა) და პერსონალური მომსახურების მიმართულებით (3(სამი) ორგანიზაცია. პროექტის საბოლოო ეტაპი ითვალისწინებდა: 1. საკვალიფიკაციო გამოცდის ახალი მეთოდოლოგიის კონცეფციის შემუშავებასა და სიმულაციას 2. TOT - ტრენერთა ტრენინგის საპილოტე პროგრამის დანერგვას.

საგანმანათლებლო პროგრამა წარმატებით განხორციელდა ექთანთა გაერთიანებისა და ამერიკული ჰოსპიტალი თბილისის პარტნიორობით. პროგრამის ფარგლებში სწავლების პროცესს უძღვებოდა მოწვეული ტრენერი ქალბატონი ნინო ელბაქიძე.

ექთანთა გაერთიანების ერთ-ერთი ძირითადი მიზანია პროფესიული განათლების ხელშეწყობა, ექთნისა და მეანი ექთნის როგორც დამოუკიდებელი პროფესიის აღიარების ფარგლებში ლიდერი ექთნების გადამზადება და განვითარება.

ტრენინგის მიზანს წარმოადგენდა მონაწილეებისთვის ტრენინგის დაგეგმვის ეტაპების, ზრდასრულთა განათლების პრინციპების, ტრენინგის ჩატარების მეთოდოლოგიის, ვერბალური და არავერბალური კომუნიკაციის საშუალებების, სასწავლო მასალების მომზადების მეთოდოლოგის, ასევე სწავლებისთვის საჭირო სხვა საკითხების შესწავლა. ასევე იმ უნარ-ჩვევების განვითარება რომელიც აუცილებელია ეფექტური სასწავლო პროცესის განხორციელებისთვის.

პროექტის ფარგლებში საპილოტე ჯგუფები დაკომპლექტდა სამი პროფესიული საგანმანათლებლო დაწესებულების და 8 ბიზნეს პარტნიორი ჰოსპიტალის ლიდერი და პრაქტიკის მენტორებისაგან, პროგრამა განხორციელდა წარმატებით , გადამზადდა 35 პრაქტიკის მენტორი დარგში.

უახლოეს მომავალში ექთანთა გაერთიანება გეგმავს 250 პრაკტიკის მენტორი ექთნებისა და მეანი ექთნების გადამზადებას საქართველოს მასშტაბით. პროექტი ემსახურება ლიდერ ექთანთა უწყვეტი განვითარების პროცესს წევრობის ფარგლებში და 2025 წლის მაისში დასრულდება.