ძვირფასო ექთნებო, კოლეგებო, პარტნიორებო და მეგობრებო !

მაქვს პატივი მოგმართოთ თქვენ, როგორც ორგანიზაციის UNG – საქართველოს ექთანთა გაერთიანების დამფუძნებელმა, აღმასრულებელმა დირექტორმა და HC&PS SSO - ჯანდაცვისა და პერსონალური მომსახურების დარგობრივი უნარების ორგანიზაციის აღმასრულებელმა დირექტორმა!

მინდა დავაანონსო ჩემი წარმომადგენლობითობის ცვლილება 2025 წლის მარტის თვიდან:

ძვირფასო მეგობრებო, კოლეგებო და პარტნიორებო - ნაციონალურ და საერთაშორისო დონეზე, ჩემი, როგორც ყველაზე ჰუმანური, ზეაღმატებული და ადამიანების საჭიროებებზე დაფუძნებული პროფესიის ღირსეული წარმომადგენლისთვის დიდი პატივია დავაანონსო ცვლილება, როგორც “ამერიკული ჰოსპიტალი თბილისის“ (AHT) CNO - საექთნო სამსახურის დირექტორის პოზიციის დატოვების კუთხით და დავაანონსო ჩემი, როგორც დამოუკიდებელი ექსპერტის წარმომადგენლობითობა დარგობრივი მიმართულებით ნაციონალურ და საერთაშორისო დონეზე (25 ქვეყნის დონეზე), ასევე, დარგობრივი ორგანოზაციების აღმასრულებელმა დირექტორმა, ჩემთვის დიდი პატივია და დიდი გამარჯვება ახლა უკვე, როგორც მარეგულირებელი ინსტიტუტების წარმომადგენელმა - საექთნო და მეანი ექთნების პროფესიული მარეგულირებელი საბჭოს წევრმა და უმაღლესი განათლების დარგობრივი აკრედიტაციის საბჭოს წარმომადგენელმა.

მინდა უდიდესი მადლობა ვუთხრა „ამერიკული ჰოსპიტალი თბილისის“(AHT) CEO - აღმასრულებელ დირექტორს, ბატონ ერჯან აიილდიზს წარმოუდგენლად მაღალი პროფესიუონალიზმისა და თანამედროვე მოდერნისტული მართვის სისტემის შექმნისთვის და ჯანდაცვის სისტემის განვითარებაში შეტანილი უდიდესი წვლილისთვის, ჩემთვის დიდი პატივი იყო თქვენთან ერთად მუშაობა, უდიდეს წარმატებებს გისურვებთ პროფესიულ საქმიანობაში! სრულიად ჰოსპიტლის უძლიერეს გუნდს, ჩემს უძლეველ საექთნო გუნდთან ერთად, 5 წლის ტექნიკური ოპერირების და 3 წლის კლინიკური ოპერირების - განმავლობაში, გაწეული შრომისთვის და დაუჯერებელი მიღწევებისთვის, რადგან 2020-2024 წლები „ამერიკული ჰოსპიტალი თბილისი“(AHT) სამაგალითო პროექტი და კავკასიის რეგიონში ლიდერი ბრენდი გახდა, უმაღლესი ხარისხის სამედიციონო სერვისების მიწოდების მიმართულებით, 3 წლის პერფორმანსი და JCI ოქროს სტანდარტებით აკრედიტაცია 2024 წელს, ექსპერტთა შეფასებები და დასკვნები ამის უტყუარი მტკიცებულება გახლავთ, ასევე ნაციონალური ჯილდოს ორგზის ნომინანტი და ფინალისტი, როგორც საუკეთესო ბიზნეს პარტნიორი, პროფესიული განათლებისა და ადამიანური კაპიტალის უწყვეტი განვითარების ფარგლებში (2023 მე-2 ადგილი და 2024 წელი ფინალისტი და იმედი მაქვს რომ გამარჯვებული და პირველი ადგილი 2024 წლის ნომინაციაში - 13.03.2025 წელს გამართულ დაჯილდოების ცერემონიაზე ეს ჩვენი გამარჯვებაა ჩვენს პარტნიორებთან ერთად) ჩემთვის დიდი პატივი იყო უმაღლესი სტანდარტების ახალი ინოვაციური დამოუკიდებელი საექთნო ორგანიზაციული მართვის სტრუქტურის ფარგლებში, ჰოსპიტლის საექთნო სამსახურის დირექტორის ფორმატში კომპანიის წარმომადგენლობითობა, ამ ეტაპზე სტრატეგია და პროექტის ახალი ხედვა არ შეესაბამება საექთნო პრაქტიკის განხორციელებას, როგორც დამოუკიდებელი საქმიანობის მართვის სტრუქტურის ფარგლებში საექთნო პროცესების განხორციელების სტანდარტებს, ასევე როგორც უკვე ეროვნულ რეგულაციებს საექთნო პროფესიის, როგორც დამოუკიდებელი საქმიანობის შესახებ და საერთაშორისო მოთხოვნებს უსაფრთხოების პრაქტიკის სფეროს მიმართულებით, შესაბამისად, ჩემი პროფესიული ღირებულებებიდან და სრულიად დარგის წინაშე ჩემი პასუხისმგებლობიდან გამომდინარე მივიღე გადაწყვეტილება და დავტოვე საექთნო სამსახურის დირექტორის პოზიცია, მინდა კიდევ ერთხელ გადავუხადო მადლობა ყველას და იმედს ვიტოვებ, რომ მიმდინარე სამუშაო პროცესები “ამერიკული ჰოსპიტალი თბილისის“ (AHT) საექთნო სამსახურის ფარგლებში კვლავ უძლიერეს საექთნო გუნდთან ერთად მხარდაჭერილი იქნება და ჩვენი ორგანიზაციის პარტნიორობის ფარგლებში კვლავაც ეფექტური თანამშრომლობა გაგრძელდება. ორგანიზაციის ეგიდით პარტნიორობის ფარგლებში ჩვენი დარგის სპეციალისტები 15 პოლიპროფილურ კლინიკასა და 5000-მდე წევრ ექთანსა თუ მეან ექთანს აერთიანებს, წინ უდიდესი გამოწვევები გვაქვს, ჩვენი პასუხისმგებლობები გაიზარდა და დარგის ექსპერტთა წარმომადგენლობა - ჯანდაცვისა და პერსონალური მომსახურების მიმართულებებით ყოველთვის მზად არის მხარდაჭერისა და თანამშრომლობისთვის!

საექთნო და მეანი ექთნის პროფესიის განვითარება მსოფლიო დონეზე წარმოადგენს ჯანდაცვის სისტემის ძირითადი პრიორიტეტს და თითოეული ჩვენგანის მიერ ნებისმიერი ძალისხმევა უმნიშვნელოვანესია ამ მიმართულებით. საქართველოში საექთნო და მეანი ექთნის პროფესია 2024 წლის მარტის თვიდან რეგულირდება უკვე, როგორც დამოუკიდებელი საქმიანობა და თითოეული პროფესიის წარმომადგენელთა ვალია პასუხისმგებლობებისა და კომპეტენციების ფარგლებში იმუშაოს ახალ გამოწვევებზე და წვლილი შეიტანოს პროფესიის განვითარებაში.

საექთნო საქმე არის მეცნიერებაც და ხელოვნებაც. ის მოითხოვს სპეციალური ცოდნისა და უნარ-ჩვევების ფლობა-გამოყენებას. იგი ემყარება კაცობრიობის მიღწევებს ფიზიკურ, სოციალურ, სამედიცინო და ბიოლოგიურ მეცნიერებებში.

საექთნო საქმე ეხმარება პიროვნებებს, ოჯახებსა და ადამიანთა ჯგუფებს, განსაზღვრონ და წარმოაჩინონ საკუთარი ფიზიკური, მენტალური და სოციალური პოტენციალი; ამის შესაბამისად იმოქმედონ იმ ცვალებად გარემოში, რომელშიც ისინი ცხოვრობენ და მუშაობენ.

ექთნის პრეროგატივაა განავითაროს და განახორციელოს ჯანმრთელობის ხელშემწყობი და ავადმყოფობის თავიდან ასაცილებლად საჭირო ღონისძიებები, მოახდინოს ავადმყოფობის ან რეაბილიტაციის პროცესში ზრუნვის დაგეგმვა და განხორციელება ფიზიკური, მენტალური და სოციალური ასპექტების გათვალისწინებით, რამდენადაც ისინი გავლენას ახდენენ ჯანმრთელობაზე, ავადმყოფობაზე, უმწეობაზე, სიკვდილზე.

საექთნო საქმე ხელს უწყობს პიროვნების ან მისი ოჯახის, მეგობრების, სოციალური ჯგუფებისა და თემის აქტიურ ჩართულობას ჯანდაცვის ყველა ასპექტში, რითაც უზრუნველყოფს პიროვნული პასუხისმგებლობის ამაღლებისა და გადაწყვეტილების მიღების გზით ჯანმრთელი გარემოს შექმნას.

ექთნის უმთავრესი მოვალეობაა იზრუნოს პროფესიულ განვითარებაზე, რათა განახორციელოს პაციენტთა უსაფრთხო მოვლა და უზრუნველყოს საუკეთესო საექთნო პრაქტიკის დანერგვის ხელშეწყობა კლინიკებში, ჩაერთოს და მონაწილეობა მიიღოს პროფესიის პოლიტიკის დაგეგვასა და განხორციელებაში.

• სერვისების ხარისხის უზრუნველყოფა საექთნო საქმიანობის ხარისხის გაუმჯობესების გარეშე მიუღწეველია, შესაბამისად ყოველი პროფესიული აქტივობა პროგრესის მიმართულებით ქმნის ჩვენს ქვეყანაში პროფესიის განვითარების მაღალ შესაძლებლობებს იმ პირობებშიც კი როდესაც ექთნის სამუშაო გარემო არაადელვატური, ასევე შრომითი ანაზღაურება და მოტივაცია წარმოუდგენლად დაბალია. მოტივაციის დაბალი დონე არაადეკვატური სამუშაო პირობები და დაბალი შრომითი ანაზღაურება ის ფაქტორებია, რომელიც ხელს უწყობს პროფესიაზე მოთხოვნის შემცირებას და ქმნის ქვეყანაში ექთნების დეფიციტს.

პრობლემა გლობალურია და საჭიროებს მაშტაბურ და კომპლექსურ მიდგომებს, ამ მიმართულებით ჩვენი ორგანიზაცია აქტიურად თანამშრომლობს საერთაშორისო ორგანიზაციებთან, იზიარებს გამოცდილებას რათა შემდგომში მოიძებნოს და დაინერგოს ეფექტური ქმედებები პროფესიის განვითარების მიმართულებით.

ორგანიზაცია დაარსდა 2018 წლის 18 დეკემბერს, იგი აერთიანებს დარგის სპეციალისტებს, ექსპერტებს, კლინიკურ ინსტრუქტორებს და პროფესიულ მასწავლებლებს, ლიდერ ექთნებს. თანამშრომლობს ადგილობრივ და საერთაშორისო ორგანიზაციებთან, სახელმწიფო უწყებებთან.

სერვისები შემუშავებულია ძირითადი პრობლემატური საკითხების შესაბამისად და ეფუძნება ეროვნულ და ასევე საერთაშორისო სტანდარტებს. ჩვენი პრიორიტეტია საექთნო საქმიანობის ხარისხის გაუმჯობესება, ადვოკატირება, ჯანდაცვის სერვისების პროვაიდერებისათვის სამედიცინო დაწესებულებების დამოუკიდებელი მართვის სტრუქტურის და დარგობრივი პრაქტიკის ხარისხის სისტემების დანერგვის სერვისების შეთავაზება, უწყვეტი განათლების უზრუნველყოფა, როგორც პირველადი ჯანდაცვის დაწესებულებებში, ასევე პოლიპროფილურ თუ პროფილურ კლინიკებში.

ჩვენი უმთავრესი პრიორიტეტებია: საექთნო და მეანი ექთნის პროფესიონალების ინვესტირების შესაძლებლობლობების გაზრდა, პროფესიული და უმაღლესი განათლების ხარისხის განვითარების პროცესებში დარგობრივი საექსპერტო წარმომადგენლობთობა, თანამშრომლობა, როგორც საზოგადოებრივ გაერთიანებებთან ასევე მარეგულირებელი ინსტიტუტებთან, კარიერული განვითარების ხელშეწყობა ტრანსფორმაციული ლიდერშიპის განვითარების გზით და პროფესიიის პოპულარიზაცია.

დღეს, უდიდეს პრობლემად რჩება საქთნო პერსონალის მიგრაცია დასაქმების მიზნით სხვადასხვა ქვეყნებში, რაც კიდევ უფრო ამძიმებს მდგომარეობას ექთნების დეფიციტის მიმართულებით. მიმდინარეობს აქტიური მუშაობა და უკვე არაერთი პროეტი განხორციელდა - უნარების სააგენტოს, მარეგულირებელი ინსტიტუტების მხარდაჭერით, კერძო საჯარო პარტნიორობის ფარგლებში ადამიანური კაპიტალის პროფესიული განვითარების, მოთხოვნადი კვალიფიკაციების შემუშავებისა და დანერგვის მიმართულებით. ჩვენი გუნდი კვლავაც განაგრძობს აქტიურ თანამშრომლობას ბიზნეს პარტნიორებთან ადამიანური კაპიტალის უწყვეტი პროფესიული განვითარების მიმართულებით და მზად არის თქვენთან ერთად იმსჯელოს და იმუშაოს ახალ გამოწვევებზე.

სექთნო საქმის განვითარების ხელშეწყობა არის ჩვენი ორგანიზაციის ერთ-ერთი უმნიშვნელოვანესი მიზანი, შესაბამისად, თითოეული სერვისი შემუშავებულია ნაციონალური და საერთაშორისო სტანდარტების შესაბამისად და ეფუძნება საუკეთესო პრაქტიკის ძირითად რეკომენდაციებს.

უნდა აღინიშნოს, რომ ორგანიზაციის სტრუქტურა თითოეული ექთნისათვის იძლევა შესაძლებლობას შექმნას პლაცდარმი პროფესიული განვითარებისათვის და ორიენტირებულია ძირითადი პრობლემატური საკითხების გადაჭრაზე.

ჩვენი მიზანია საექთნო პროფესიის პოპულარიზაცია, პროფესიული სტანდარტების შემუშავება/დანერგვა, ადვოკატირება სახელმწიფო უწყებებთან და კოლაბორაციის გზით სტრატეგიული ნაბიჯების გადადგმა პროფესიის განვითარების მიმართულებით. სამედიცინო დაწესებულებებში საექთნო საქმიანობის ხარისხის ამაღლების ხელშეწყობის მიზნით უწყვეტი საექთნო განათლების უზრუნველყოფა, ინოვაციური და ადაპტირებული პოსტდიპლომური საგანმანათლებლო პროგრამების განხორციელება. საერთაშორისო ინტეგრაცია და პროფესიის განვითარების ხელშეწყობა, საექთნო კვლევებისა და საუკეთესო საექთნო პრაქტიკის დანერგვა კლინიკებში თანამედროვე ტიპის სამედიცინო მომსახურების სისტემის უზრუნველყოფის მიზნით; საექთნო სამუშაო გარემოს გაუმჯობესების მიმართულებით კოლაბორაცია სახელმწიფო უწყებებთან და დამსაქმებლებთან, რათა შემუშავებულ იქნას საექთნო პროფესის ეფექტური სტრატეგიული განვითარების გეგმა.

ჩვენ მზად ვართ მოვისმინოთ და განვავითაროთ ნებისმიერი იდეა და ხელი შევუწყოთ პროფესიული მიმართულებით თქვენს განვითარებას, იაქტიურეთ ჩაერთეთ ორგანიზაციის აქტივობებში (პროფესიული განხილვები, კონფერენციები, სამუშაო ფორუმები - ღია დისკუსიები, ვებინარები) უწყვეტ საგანმანათლებლო პროცესებში, ჩვენ ერთად ვქმნით საუკეთესო საექთნო პრაქტიკას და მომავლის პროფესიონალებს საქართველოში, გისურვებთ წამატებებს!

დამფუძნებელი/აღმასრულებელი დირექტორი: ია გელენიძე