ქალის საქმიანობაზე ბევრი თქმულა და დაწერილა, მსოფლიოში არ არსებობს საზოგადოების არც ერთი სფერო სადაც ქალებს თავი არ გამოეჩინათ, ისინი მრავალმხრივი საქმიანობით სამყაროს აოცებენ! დღეს გვსურს გაგაცნოთ ია გელენიძე ახალგაზრდა, მომხიბვლელი, ცეცხლოვანი ენერგიის მქონე ქალი საოცრებათა სამყაროდან, მას აქვს დიდი შინაგანი რესურსი და პოტენციალი, საქმისადმი თავდადება და პროფესიონალიზმი. ქალბატონი ია ექთანთა გაერთიანების დამფუძნებელი და აღმასრულებელი დირექტორია, ასევე წარმოადგენს ჯანდაცვის მიმართულებით კერძო საჯარო პარტნიორობის ფარგლებში, დიდ ნაციონალურ დარგობრივ გაერთიანებას - ჯანდაცვისა და პერსონალური სერვისების დარგობრივი უნარების ორგანიზაციას ( HC&PS SSO), როგორც ერთ-ერთი დამფუძნებელი და აღმასრულებელი დირექტორი, 2016 წლიდან პროფესიულიგანათლების ავტორიზაციისა და აკრედიტაციის ექსპერტი - განათლების ხარისხის განვითარებისეროვნული ცენტრი,2018 წლიდან დღემდე, გამოცდილება როგორც ექთანი მკვლევარი და ექსპერტი - საერთაშორისო საექთნო კვლევა "საექთნო რეგულირების ეტაპები, პრაქტიკის სფერო დასტანდარტების დანერგვის გამოცდილება" (18 ქვეყნის გამოცდილება: აშშ,ევროპა, არაბეთის გაერთიანებული საემიროები - ავტორები: პროფესორი დ. ლონგი - აშშ საფრანცისკო, პროფესორი ჰ. ალდურადი - ჯორდანის უნივერსიტეტი, ი. გელენიძე - ა(ა) იპ ექთანთა გაერთიანება - საქართველო)- გლობალური პრაქტიკის ჩარჩო დოკუმენტის საფუძველზე (ICN), ევროპის გამომცემლობის თანაავტორი - საექთნო პრაქტიკის სფეროს სტანდარტები - ევროპის რეგიონის გამოცდილბაში ერთ-ერთი თავი ია გელენიძის ავტორობით - “საექთნო პროფესიული პრაქტიკის სფერო საქართველოში”. დამთავრებული აქვს თბილისის მე-2 ამჟამად კოლეჯი “პანაცეა” - უმაღლესი პროფესიული საექთნოსკოლა - მეანი ექთნის კვალიფიკაციით, დიპლომის შემდგომი კვალიფიკაციები: კრიტიკულ მედიცინასა და გადაუდებელი დახმარების მიმართულებით, ზოგადი მენეჯმენტი, მტკიცებულებითი მედიცნა/კვლევები საექთნო საქმეში -დიპლომის შემდგომი კვალიფიკაციები, ასევე შვეიცარიის უმაღლესი გლობალური საექთნო მართვის ინსტიტუტი - GNLI “საექთნო საქმის გლობალური მართვის კურსი” 2019წ, ამ სფეროში მოღვაწეობს 20 წელია, პირველადი ჯანდაცვის დაწესებულებებში, გაიარა ყველა ეტაპი პრაქტიკოსი ექთნიდან ხელმძღვანელ თანამდებობამდე - იყო დიდი პოლიპროფილური ჰოსპიტლების საექთნო სამსახურის დირექტორი სადაც ოთხი წარმატებული პროექტი განახორციელა: 1.ნ.ყიფშიძის სახელობის ცენტრალურ საუნივერსიტეტო კლინიკაში ხელმძღვანელობდა კრიტიკული მედიცინის საექთნო დეპარტამენტს, ჩამოაყალიბა ახალი ინოვაციური, მტკიცებულებაზე დაფუძნებული უსაფრთხო საექთნო პრაქტიკის დანერგვის სისტემა. 2. თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკაში ჩამოაყალიბა თანამედროვე საერთაშორისო სტანდარტებზე დაფუძნებული საექთნო სამსახური, 3.,,ვივო მედიქალ ჯგუფის’’ სამ ჰოსპიტალში მოახდინა საექთნო სამსახურის ფორმირება/მართვა 4.,,AHT - ამერიკულ ჰოსპიტალ თბილისში’’ შექმნა ინოვაციური პროექტი - ახალი JCI სტანდარტების საექთნო სამსახური, ინოვაციური, ორგანიზაციული მართვის სტრუქტურა, სადაცდღესდღეობით საექთნო სამსახურის დირექტორის პოზიციაზე მუშაობს, ასევე 2016 წლიდან თავის გამოცდილებას უზიარებს ახალგაზრდებს — სამედიცინო კოლეჯ ,,პანაცეაში’’ და ,,ბიზნესისა და ტექნოლოგიების აკადემიაში’’ კითხულობს ლექციებს და არის საექთნო პროგრამის ხელმძღვანელი. ია გელენიძე უაღრესად საინტერესო, ნიჭიერი პიროვნებაა შორს მიმავალი გეგმებით და კრეატიული იდეებით სავსე, უყვარს პროგრესულად მოაზროვნე ადამიანებთან ურთიერთობა, დეტექტიური წიგნები, თეატრი, მოგზაურობა, შემოვლილი აქვს მთელი ევროპა,იმოგზაურა ამერიკის შეერთებულ შტატებში, აინტერესებს ინდოეთი და კიდევ ერთხელ იმოგზაურებდა სინგაპურში. ჰყავს სანიმუშო შვილები - ნიკოლოზი, მალხაზი და შვილიშვილი გაბრიელი. მისი საყვარელი ფრაზაა:,,შენ ეს შეგიძლია’’. თავიდან რომ იდგეს არჩევანის წინაშე ისევ საექთნო საქმეს აირჩევდა რადგან ბედნიერებას ანიჭებს ადამიანებზე ზრუნვა და სიკეთის კეთება.

ია გელენიძე:

ექთანთა გაერთიანება 2018 წელს ჩამოყალიბდა, მიზანი გახლდათ ახალი, თანამედროვე, პროგრესული ექთან ლიდერთა გუნდის ჩამოყალიბება, “მომავლის პროფესიონალების” კარიერული ზრდის თანამედროვე პრაქტიკის დანერგვა, სტრატეგიული გეგმის ფარგლებში ქართველ პროფესიონალთა საერთაშორისო ინტეგრაციის ხელშეწყობა, პროფესიული/საგანმანათლებლო სტანდარტების შემუშავება/ განხორციელება და საექთნო პროფესიის განვითარების მხარდაჭერა/ექსპერტთა პალატის ფორმირება.

ICN - საერთაშორისო საექთნო საბჭოსთან ინტეგრაციისთვის თანამშრომლობის ფარგლებში გადაიდგა მნიშვნელოვანი ნაბიჯები, რაც მიზნად ისახავდა პროფესიონალი ექთნების უწყვეტი განვითარების ხელშეწყობას. ამასთან დაკავშირებით 2019 წელს ქართველ ლიდერთა წარმომადგენლობა მონაწილეობდა საერთაშორისო საექთნო საბჭოს მიერ ორგანიზებულ სინგაპურის საერთაშორისო კონგრესში.

ჩვენი საქმიანობის მნიშვნელოვანი ეტაპი

გახლდათ 2018 წელს ICN - საერთაშორიო საექთნო საბჭოს ჟენევის ცენტრალურ ოფისში საქართველოს ექთან ლიდერთა წარმომადგენლობის მიერ საექთნო პროფესიის განვითარების პროექტის განხილვა და ქართველ სპეციალისტთა ლეგიტიმაციის გაზრდა, ამ აქტივობამ საქართველოს ექთანთა გაერთიანებას მოუტანა წევრობის კანდიდატის/დელეგატის სტატუსი, რაც ნიშნავდა აღიარებას და წარმატებას საერთაშორისო დონეზე. ექთანთა გაერთიანება წარმოდგენილია, როგორც ცენტრალური ასევე რეგიონალური ოფისებით. გვყავს 1000-მდე წევრი, პარტნიორულ ფორმატში ვაერთიანებთ 6 დიდ პოლიპროფილურ კლინიკას: ესენია სტრატეგიული პარტნიორი AHT -ამერიკული ჰოსპიტალი თბილისი, გაგუას კლინიკა, ნიუ ჰოსპიტალი, ასევე აჭარაში - ბათუმის სამედიცინო ცენტრი, მიმდინარე მოლაპარაკებების ეტაპზე - ბათუმის რესპუბლიკური საავადმყოფო და ხოზრევანიძის კლინიკა. ჩვენთან წევრებად გაერთიანებულნი არიან ასევე: აჭარის, კრიტიკული მედიცინის, ქირურგიის და ნეონატოლოგიის ექთანთა ასოციაციები.

ჩვენი სფეროს ხვალინდელი წარმატებული საქმიანობისთვის მნიშვნელოვანი ფაქტია, რომ 2023 წლიდან ახალი რეფორმის ფარგლებში (რომელიც კერძო საჯარო პარტნიორობსა და პროფესული განათლების განვითარების ხელშეწყობისთვის) განხორციელდა, ექთანთა გაერთიანება არის ჯანდაცვისა და პერსონალური მომსახურების დარგობრივი უნარების ორგანიზაციის ლიდერი და თანადამფუძნებელი,

2018 წლიდან თანამშრომლობს 3 პროფესიულ და 2 უმაღლეს საგანმანათლებლო დაწესებულებასთან - საექთნო და სამეანო პროფესიული განათლების, დიპლომის შემდგომი უწყვეტი განათლებისა და ბიზნეს სექტორის განვითრების ხელშეწყობის ფარგლებში, 2019 წლიდან ჩვენი გაერთიანების დარგის ექსპერტები არიან წარმოდგენილნი სახელმწიფო მარეგულირებელ ინსტიტუტებში გადაწყვეტილების მიღების ლეგიტიმაციით პოზიციებზე, იკავებენ დიდ პოლიპროფილურ კლინიკებში ტოპმენეჯმენტის დონეზე პოზიციებს და აქტიურად არიან წარმოდგენილნი ნაციონალურ და საერთაშორისო დარგობრივ საექსპერტო აქტივობებში.

საქართველო ჯანდაცვის ორგანიზაციის წევრი , შესაბამისად განსაზღვრული გვაქვს ევროდირექტივით გათვალისწინებული ვალდებულებები, განვავითაროთ საექთნო პროფესია, გვყავდეს ლიცენზირებული ექთანი და გავუტოლდეთ საერთაშორისო სტანდარტებს უსაფრთხო სამედიცინო სერვისების დანერგვის კუთხით! ექთანთა გაერთიანება როგორც დარგობრივი საექსპერტო წარმომადგენლობითობა აქტიურად არის ჩართული საექთნო პროფესიის განვითარების ეროვნული სტრატეგიული გეგმის დანერგვის პროცესში და ანვითარებს/ახორციელებს პოსტდიპლომურ უწყვეტ საგანმანათლებლო პროგრამებს 2018 წლიდან. 2023 წლიდან კი, როგორც ჯანდაცვისა და პერსონალური მომსახურების დარგობრივი უნარების ორგანიზაცია მუშაობს კვალიფიკაციების განვითარების, ახალი კვალიფიკაციების შემუშავებისა და დანერგვის მიმართულებით. ქმნის პროფესიულ და საგანმანათლებლო სტანდარტებს და მუშაობს ნაციონალური პრაქტიკული უნარების სასწვლო და საგამოცდო ცენტრის ჩამოყალიბების პროექტზე. 2024 წლის თებერვალში ჩვენი წარმომადგენლობა მიწვეულია საერთაშორისო კონფერენციაზე მადრიდში , სადაც მოხდება ჩვენი ექთანი ლიდერების წარდგენა ICN და WHO ლიდერებთან, განისაზღვრება ჩვენი წარმომადგენლობის ფორმატი მსოფლიო ჯანდაცვის ორგანიზაციის საექთნო საქმიანობის მართვის დონეზე. ხოლო ამა წლის შემოდგომაზე/ნოემბრის თვეში უკვე საქართველოში - თბილისში გაიმართება პირველი საერთაშორისო საექთნო კონგრესი,რომლის მიზანია კავკასიის რეგიონის პროფესიულ დონეზე საერთაშორისო ინტეგრაცია და გლობალური საექთნო მართვის თანამედროვე პრაქტიკის დანერგვის ხელშეწყობა, საერთაშორისო სერვისების უსაფრთხოებისა და ხარისხის სტანდარტების პრაქტიკის გაზიარება და კავკასიის რეგიონალური პროფესიული გაერთიანების ჩამოყალიბება.

ჩვენი გუნდის პრიორიტეტია კავკასიის რეგიონის დარგობრივი რესურსების გაერთიანება, პროფესიული განვითარების ხელშეწყობა და უსაფრთხოებისა და ხარისხის სტანდარტების დანერგვა საექთნო პრაქტიკაში, ნაციონალურ დონეზე - WHO -ს 2023-2030 სამოქმედო გეგმის ფვარგლებში.