ექთნების საერთაშორისო დღესთან დაკავშირებული კვირეულის ფარგლებში ა(ა)იპ ექთანთა გაერთიანება საჯარო შეხვედრა-დისკუსიებს თბილისის რამდენიმე კლინიკაში გამართავს.

შეხვედრები აკადემიკოს ნიკოლოზ ყიფშიძის სახელობის ცენტრალურ საუნივერსიტეტო კლინიკასა (6 და 8 მაისი) და გაგუას კლინიკაში (10 მაისს) გაიმართება.

შეხვედრებზე ექთანთა გაერთიანების და მისი წევრი ორგანიზაციების წარმომადგენლები დამსწრე საზოგადოებასთან ერთად განიხილავენ რამდენიმე საკითხს:

• საექთნო პროფესიულ საქმიანობასთან დაკავშირებული რეგულაციები;
• უწყვეტი პროფესიული განვითარების სტრატეგიები და გამოწვევები (დისკუსიის ფორმატი);
• უსაფრთხო პრაქტიკის სტანდარტები და საექთნო პროფესია - მსოფლიო გამოცდილება და საქართველო.
• ქართველი ექთნების საერთაშორისო ინტეგრაციის სტრატეგიული გეგმა.

ექთნების საერთაშორისო დღე 12 მაისს აღინიშნება.